LANDAREAK: ATALAK ETA MOTAK.

Landareak izaki bizidunak dira. Hazietatik sortu, hazi eta ugaldu egiten dira. Hazteko, landareek ura, airea eta eguzkiaren argia behar dute, baita lurretik lortzen dituzten zenbait substantzia ere.

Landareek zenbait atal dituzte:

-Sustraia lurpean dago. Landareak lurrari eusteko eta ura xurgatzeko balio du, baita landareak behar dituen beste substantzia batzuk xurgatzeko ere.
-Zurtoinetik adar meheak irten daitezke.
-Hostoak zurtoinetik irteten dira. Berdeak dira.

Landare askok loreak eta fruituak dituzte. Fruituen barruan haziak daude.

Landare motak:

-Zihaitzek zurtoin gogorra eta lodia dute: enborra. Adarrak ere gogorrak dira eta enborretik sortzen dira, lurretik altuera handira.
-Zuhaixkek ere enborra dute, baina oso motza da. Adarrak gogorrak dira eta lurretik gertu ateratzen dira beti.
-Belarrak txikiagoak dira. Zurtoin bigunak eta berdeak dituzte.